Nglestarekaken Unggah-ungguh Basa Jawi

Jaman globalisasi saha majengipun budaya manca ing wekdal menika anjalari sedaya peranganing agesang bebrayan agung budaya Jawi ngalami ewah gingsir, kalebet: unggah-ungguh, subasita, tatakrama, basa lan sastra, saha karemenanipun bebrayan agung. Pangaribawa budaya informasi (HP, TV, internet, Facebook, Twitter) celak sanget kalihan para putra, tundhonipun kapribaden (jatidiri) budaya timur (Jawi) sangsaya luntur, kapribaden budaya manca tambah ngrembaka. Pramila kangge nyawekani prekawis menika kapribadenipun para putra kedah ginulawenthah lumantar tri wiyata; wiwit wonten kulawarga, pawiyatan (sekolah), menapadene wonten bebrayan ageng (masyarakat). Unggah-ungguh basa Jawi saperangan ageng sampun boten dipunangge utawi kaginakaken para putra (generasi mudha), jalaran sami rumaos angel, boten mangertos tegesipun, lan sampun boten sami kulina ngginakaken basa Jawi. Pramila kathah pamanggih bilih basa lan sastra Jawi “badhe pejah” jalaran tiyang Jawi sami ilang Jawane, ilang lan luntur kapribaden saha jatidirine. Kanthi sebab-sebab punika, sumonggo kitha tansah nglestarekaken unggah-ungguh basa jawi kanthi bener. punika rincianipun. sumonggo di klik -->

NGLESTAREKAKEN UNGGAH-UNGGUH BASA JAWI ING JAMAN SAMENIKA